"Mateproblemáticas" nun Centro de Secundaria

Un chistecillo

2009-04-14T23:54:00.000+02:00

A hora do PLANETA

2009-03-16T11:08:00.001+01:00

WWF organiza para o vindeiro 28 de marzo "a hora do planeta". Trátase dun xesto para demostrar que a loita contra o cambio climático é posible. Non deixedes de participar xa que as novas sobre as previsións do cambio climático son cada vez máis preocupantes

Problemas coas fraccións?

2009-01-18T22:31:00.000+01:00

Non á masacre en Gaza

2009-01-07T19:17:00.000+01:00

La medida. Fraccións e decimais

2008-12-26T16:55:00.001+01:00

Actúa

2008-12-01T00:01:00.000+01:00

Cúmprese o vixésimo aniversario desde que se conmemora o Día Mundial da Loita contra o SIDA todos os 1 de decembro.
Infórmate de como podes actuar para deter esta grave epidemia.

Como pode ser?

2008-11-19T23:00:00.000+01:00

É incrible pero certo. Raro é o mes no que non se descubre unha rede de malnacidos creadores e consumidores de pornografía infantil. De todos os estratos sociais, de todas as idades, de todas as profesións e ata dos dous sexos. Xente sen conciencia nin moral que é capaz, en algúns casos, de violar a inociencia dun pequeno (incluso ás veces familiar) para obter unhas imaxes coas que disfrutar uns poucos depravados.

Cárcere e psiquiátrico para todos eles!

Ánimo Neira

2008-10-06T17:17:00.002+02:00

O pasado 2 de agosto Jesús Neira, profesor Universitario, axudou a unha muller que estaba sendo maltratada pola súa parella. O maltratador cambiou de vítima e propinoulle unha paliza ao exemplar cidadán.
Dende o 6 de agosto Neira está en coma na UCI dun Hospital debatíndose entre a vida e a morte.
A desagradecida muller, á que Neira salvou da súa sorte, vai agora de programa en programa de TV pregoando a inocencia do seu compañeiro e enchendo o seu peto. (Que pena de TV!)
Segundo publica El País, Neira "intenta respirar por si mismo". Ánimo para a súa familia e sorte para a súa pronta e total recuperación.

Para a muller que Neira axudou, desexarlle mellor sorte que ás múltiples vítimas de violencia de xénero deste país.

Maltratador:Tolerancia cero

2008-07-10T19:28:00.000+02:00

Mensaxe explosiva

2008-06-24T18:02:00.002+02:00

Máis consellos verdes

2008-06-09T23:01:00.004+02:00

En "El País Semanal" deste fin de semana lin un artigo de Carmen Mañana titulado "Dar al botón verde" no que describe algunhas actuacións de grandes multinacionais do sector da electrónica en prol da sustentabilidade. Non esquezamos que o sector tecnolóxico emite o 2% do CO₂ mundial; a mesma cantidade que a aviación.

Dous apuntes importantes:

Moitos usuarios de teléfonos móbiles non saben que un acto tan habitual como deixar un cargador conectado á toma de corrente cando non se está a usar supón un considerable gasto enerxético. Segundo estimacións de Nokia, a enerxía que se podería aforrar se todos os usuarios dos seus teléfonos móbiles (900 millóns de persoas) desenchufaran os cargadores cando non os necesitan sería equivalente á que se consume en 100.000 vivendas europeas de tamaño medio durante un ano.
O stand by (a luceciña vermella que indica que un aparato está á espera de ser encendido) é sinónimo dun gran derroche enerxético e económico. Segundo datos do Instituto para el Ahorro y la Diversificación de la Energía (IDAE), a factura elétrica dun fogar medio podería baixar un 12% ao ano só con apagar o stand by de todos os aparatos. Outro estudo da Agencia Internacional de la Energía apunta que o consumo dos equipos electrónicos que non se usan supón entre o 5% e o 16% do consumo total de cada fogar.

Son datos que nos deben facer pensar cada vez que apaguemos un aparato só co mando a distancia. Podemos poñer freo a este derroche só con desconectar aqueles aparellos que non estemos a empregar. Fácil, non?

Cuidemos o planeta Terra

2008-06-05T00:00:00.005+02:00

No día Mundial do Medio Ambiente quero deixarvos este vídeo para concienciarnos que debemos coidar o noso planeta.

Para que vexades que o do quecemento global non é pouco importante (como hai algún tempo dixo o primo de alguén) podedes ver este vídeo da NASA-GISS que reflexa a variación da temperatura terrestre dende o ano 1884.

Evidentemente temos que empezar por coidar o noso entorno.

Pintadas, firmas e demais "decoracións"

2008-06-04T19:57:00.006+02:00

Lido no diario La Opinión:

La ordenanza municipal de As Pontes sobre el vandalismo, que será aprobada inicialmente en el pleno que se celebrará mañana[...]
[...]La nueva ordenanza establece tres tipos de multas en función de la calificación de los hechos: leves, graves y muy graves. El importe económico de las sanciones por los actos vandálicos se graduará desde los 750 euros por los que se consideren como de menor importancia hasta los 3.000 con los que podrá ser multado el responsable de los destrozos más notables. El Concello menciona entre las actuaciones que serán consideradas como vandalismo los daños a bienes muebles e inmuebles, las pintadas, graffitis, manchas y escritos sobre cualquier espacio o edificio de propiedad pública, así como en los vehículos de transporte, el mobiliario urbano, árboles, jardines y vías públicas.[...]

É evidente que ás veces facemos cousas ás que non lle damos a importancia que teñen e ás autoridades non lles queda outra que tomar medidas "disuasorias".

Vitutor

2008-05-24T23:37:00.002+02:00

Interesante páxina de Matemáticas na que tedes exercicios, exames, apuntes e vídeo titoriais de matemáticas desde 3º de Primaria ata Bacharelato.
Preme na imaxe para acceder

2008-05-21T08:07:00.003+02:00

Outra vítima máis da violencia de xénero. Cando rematará esta lacra?

Basta XA!

2008-05-14T14:56:00.005+02:00

ETA volveu matar hoxe a unha persoa, aínda que intentou unha verdadeira masacre.
En España padecemos unha terrible lacra co terrorismo e os seus crimes indiscriminados así como coa violencia de xénero e os seus crimes machistas. Desde este blogue xa se mencionou algunha vez calquera destas barbaries, pero desde este momento, sempre que ocorra algúns destes actos, comprométome a facer unha entrada do blog solidarizándome coas vítimas e repudiando os actos. Invítovos a todos e todas a que fagades o mesmo nos vosos blogues, fotologs, etc e que esas entradas sexan moi comentadas (entre todos/as) con frases do tipo: Basta XA! NUNCA MÁIS! ou calquera outra que queirades.

Binta y la gran idea

2008-05-08T18:44:00.001+02:00

Curtametraxe que pertence á película 'En el mundo a cada rato'. Rodado en Senegal, por Javier Fesser, coa axuda de UNICEF, conduce ao espectador ao mundo de Binta, unha nena de sete anos que pon en marcha unha obra de teatro infantil para mostrar o desexo da súa curmá de ir ao colexio.
Ademais está a xenial idea do seu pai.
Seguramente que se tedes a paciencia de velo, se vos ocurren moitos comentarios.

Eres ti tubab?

Mercado matemático para as fraccións

2008-05-06T22:57:00.000+02:00

Para aprender fraccións de xeito "máxico" visitade o "mercado matemático":

Matmonólogo

2008-05-05T12:43:00.004+02:00

Martín Pais Wyka participou e foi seleccionado como finalista no concurso de "Matmonólogos" do IES de Monelos.

Mañá pola tarde é o día no que o vai defender xunto con outros alumnos seleccionados doutros centros. Un día ensaiou na súa clase e aquí tedes o vídeo.

Sorte!

Consellos e técnicas para estudar

2008-04-30T19:18:00.002+02:00

Sen dúbida que nesta páxina de materiais educativos do CNICE (Centro Nacional de Información y Comunicación Educativa) podedes obter uns bos consellos para estudar mellor e obter mellores resultados. Está claro que sen o voso esforzo non hai consellos que valgan.
Ánimo!

Día da TERRA

2008-04-21T23:15:00.004+02:00

Todos os 22 de abril celébrase o Día da Terra. Seguramente, como ocurre nestes casos, diredes que o Día da Terra deberan ser todos os do ano; e tedes razón.
Temos que mentalizarnos para coidar o planeta e todos podemos aportar o noso grao. Non pensedes que podedes facer pouco. "Moitos poucos é unha gran cantidade".
Como o problema máis importante que agora ameaza a Terra é o cambio climático, aquí tedes información moi visual das razóns polas que se produce.

Teorema cantado

2008-04-16T18:33:00.001+02:00

Os xeniais Les Luthiers enuncian o teorema de Thales. Mágoa que eu cante demasiado mal como para facer isto en clase. ;-)

Consellos a pais e nais

2008-04-15T16:24:00.006+02:00

No blog de "Psicología y Pedagogía" aparece un interesante artigo de recomendacións aos pais e nais para axudar a os seus fillos na aprendizaxe exitosa das Matemáticas. Permítome traducir aquí os consellos:

* Recordar que vostedes cumpren un papel protagónico na aprendizaxe dos seus fillos

* Ter sempre unha actitude positiva cara á aprendizaxe da matemática nos seus nenos

* Non facer comentarios como estes fronte aos seus nenos: "As matemáticas son moi difíciles" "Á min tampouco me gustaba a matemática cando era estudante"

* Alentarlle e ensinarlle o valor da matemáticas na vida cotiá e na súa preparación para o futuro

* O estudante que sabe resolver problemas é quen cuestiona, atopa, investiga, persiste en buscar unha solución, quen comprende que pode haber varios xeitos na solución do problema. Vostede pode alentar ao seu fillo a desenvolver a súa capacidade para resolver problemas ao incluílo en actividades rutineiras como: medir, pesar, comparar prezos das cousas que quere comprar, etc.

* O comunicarse matematicamente é saber utilizar a linguaxe matemática; os números, táboas, símbolos. É escoitar coidadosamente para entender os diferentes xeitos en que outras persoas razoan. Vostede pode axudar ao seu fillo a comunicarse matematicamente ao momento de realizar as súas tarefas, ao pedirlle que lle explique como chegou á solución correcta. Tamén na solución de pequenos problemas da vida diaria

* No punto anterior, ao pedirlle ao seu fillo como resolveu o problema, pode axudarlle a vostede a descubrir se necesita axuda en destrezas ao sumar, restar, multiplicar ou dividir (segundo o nivel en que se atope o neno)

* Axude ao seu fillo a valorar o intento de resolver un problema, aínda que este sexa difícil. Mentres traballa, axúdelle a explicar o que está pensando nese momento, iso reforzará as súas destrezas matemáticas.

* Ensine ao seu fillo a realizar problemas matemáticos "na súa cabeza" (matemática mental) ao facer cálculos rápidos dos prezos nas tendas, restaurantes, etc.

* Demostrouse que a aprendizaxe afectiva das matemáticas, actitudes e intereses previos no estudo da mesma, ten consecuencia directa no seu comportamento e a súa capacidade de aprendizaxe futura. É por iso a importancia de axudar ao seu neno a construír desde temperá idade o interesarse positivamente en tan importante materia

* E recorde: como pais, vostedes son, máis que ningunha outra persoa os que poden axudar ao seu neno a desexar aprender. Ese desexo de querer aprender é a clave do éxito para o seu neno(a) e, por suposto, o agrado é un gran motivador da aprendizaxe. Vostedes poden ensinar ao seu fillo(a) mediante o xogo. Pode inventar xogos con case calquera concepto matemático. Non esqueza que axudarlle a aprender non quere dicir que non poidan reir xuntos e...... DIVERTIRSE!

Número de ouro

2008-04-14T17:16:00.001+02:00

Xa falamos neste blog do número de ouro en varias ocasións.
Admiradevos das numerosas circunstancias nas que aparece:

Pitágoras e a Música

2008-04-07T23:14:00.001+02:00

Mundo Cooperante

2008-04-02T13:55:00.006+02:00

Hoxe recibimos a visita de Rosa López Miramontes responsable da Delegación de Galicia da Federación Mundo Cooperante (Unha ONG de Cooperación ao Desarrollo)
Falounos de quen son, de que fan e de como o fan. Trouxonos tamén a exposición "La realidad de las niñas en el mundo" que, nuns paneis, fai un percorrido polos problemas e desafíos aos que se deben enfrentar as nenas das sociedades máis postergadas.
Espero que estas charlas tan amenas fagan que, en lugar de para perder a clase de Matemáticas (que tamén), todos nos concienciemos de que somos privilexiados por vivir neste mundo e arrimemos o hombreiro para facer que os outros mundos sexan máis parecidos ao noso.

BubbleShare: Share photos - Powered by BubbleShare

Contacta con Rosa no 981666428 ou en galicia@mundocooperante.org

Primeiro blog

2008-04-01T22:35:00.002+02:00

Preséntovos o primeiro blog.
Alejandra foi a que se adiantou a todos.

Estou desexando velo medrar, porque o comezo promete. Noraboa

Espero impaciente os vosos blogues

2008-03-27T15:34:00.009+01:00

Neste último trimestre propóñovos un traballo (voluntario) que consiste no seguinte:

Cada un de vos elabora un blogue.
Puntuará, ademais da calidade dos contidos, a corrección, a estética, a linguaxe axeitada e sen faltas...
Os artigos poden tratar calquera tema escolar: actividades, ideas, opinións, protestas, dúbidas, fotos, vídeos, presentacións, ... (se son relacionadas coas matemáticas mellor que mellor)
É obrigatorio que desde a data de hoxe ata a de 15 de xuño busquedes e propoñades, a lo menos, os tres sitios web (blogues, wikis, portais, páxinas, ...) relacionadas coas matemáticas a nivel de Infantil, Primaria ou Secundaria que máis vos gusten, explicando porqué vos gustan e facendo unha breve descripción do que tratan.
Calquera blogue que non se adapte ás normas será automáticamente "descalificado".

Poderedes aumentar, dependendo dos contidos e enlaces do blogue, a nota final ata en 2 puntos.

Para facer o voso Blogue, recomendo que fagades una conta de correo de Google (gmail) e despois, con ese nome de usuario e ese contrasinal, entrades en Blogger e creades o blogue.

Para calqueira dúbida e para notificar a creación e a dirección do blog: crego@edu.xunta.es

Educación para a cidadanía

2008-03-06T16:24:00.003+01:00

Contidos:
Bloque 1. Contidos comúns.

Identificación de problemas actuais, a súa conceptualización e reflexión argumentada.
Análise comparativa e avaliación crítica de información proporcionadas polos medios de comunicación sobre un mesmo feito ou cuestión de actualidade.
Prácticas de exposición (oral e escrita) das ideas propias ou dos resultados das lecturas e da información obtida a través de diversos medios.
Preparación e intervención en debates, sobre aspectos relevantes da realidade social, considerando as posicións e alternativas existentes e desenvolvendo unha actitude de compromiso para a súa mellora.
Utilización do diálogo como estratexia para a identificación dos conflitos e a solución dos problemas.

Bloque 2. Relacións interpersoais, convivencia e participación

Comprensión e incorporación dos conceptos de amizade, fraternidade, dignidade, sinceridade, agradecemento, cordialidade, diálogo, etc., básicos para a convivencia.
Recoñecemento e valoración da convivencia familiar como un sistema de comunicación e cooperación entre xeracións. Posibles disfuncións: análise e busca de solucións compartidas.
Recoñecemento e valoración da amizade como un sistema de comunicación e cooperación entre iguais.
Valoración e uso do diálogo como instrumento para a prevención e resolución de conflitos nas relación entre iguais e nas relacións interxeracionais.
Análise da importancia da sexualidade na vida humana, da necesidade dunha regulación ética das relacións sexuais baseada no respecto e na equidade e prevención de prácticas de risco.
Valoración crítica da división social e sexual do traballo e rexeitamento de prexuízos racistas, xenófobos, homófobos e sexistas.
Axuda a compañeiras, compañeiros e, en xeral, a persoas en situación desfavorecida e responsabilización no coidado das persoas dependentes.
Participación no centro educativo e en actividades sociais da comunidade como aprendizaxe dos deberes cidadáns. Especial incidencia na mediación e acollida de alumnado inmigrante.

Bloque 3. Deberes e dereitos cidadáns.

Identificación e exercicio dos deberes e dereitos que teñen como alumnado dun centro.
Coñecemento e manexo da Declaración universal dos dereitos humanos, asunción dos deberes e responsabilidades que dela se derivan e valoración do proceso de recoñecemento e proclamación dos dereitos humanos como unha conquista histórica inacabada.
Recompilación de información sobre os distintos tipos de documentos que recollen a lexislación internacional sobre os dereitos humanos (declaracións, pactos, convenios...) e sobre os mecanismos de control e protección dos acordos.
Recoñecemento da igualdade das persoas en dignidade e dereitos, identificación e condena de situación de violacións dos dereitos humanos e coñecemento dos recursos para denunciar e combater a violación dos dereitos.
Valoración das diferenzas de xénero como enriquecedoras das relacións interpersoais. Coñecemento dos dereitos das mulleres na nosa sociedade actual e a loita pola súa consecución. Recoñecemento da igualdade de dereitos de mulleres e homes e identificación e rexeitamento das situacións de discriminación de feito das cales aínda son vítimas as mulleres.

Bloque 4. Democracia e cidadanía.

Identificación do sistema de dereitos e deberes como base da convivencia política. Valoración do exercicio dunha cidadanía activa, que coñece os seus dereitos e asume as súas responsabilidades. Os sistemas de votación democrática.
Identificación das principias institucións e dos conceptos fundamentais que definen un sistema democrático.
Identificación e coñecemento dos principios, dereitos e deberes fundamentais recoñecidos na Constitución española e no Estatuto de autonomía de Galicia. Identificación e valoración das diversas formas de participación cidadá: cooperación, asociacionismo e voluntariado.
Valoración da política como servizo á cidadanía: a responsabilidade pública. Información sobre a estrutura e funcionamento da protección civil e coñecemento do seu papel na prevención e xestión dos desastres naturais e provocados. Os sistemas de votación democrática.
Asunción da responsabilidade cidadá: identificación e aprecio dos bens comúns e servizos públicos. Valoración dos impostos como a contribución dos cidadáns aos gastos e investimentos públicos e como instrumento para a distribución da renda e compensación das desigualdades.
Reflexión sobre as causas, avaliación das consecuencias dos accidentes de circulación e implicación na súa prevención.
Coñecemento dos dereitos e deberes que implica o consumo, planificación de condutas e adquisición de hábitos de consumo racional e responsable compatible coa sustentabilidade.
Observación do impacto das actividades individuais e colectivas sobre o ambiente e valoración da responsabilidade polo seu coidado.

Bloque 5. Cidadanía en tempos de globalización.

Valoración da diversidade social e cultural como enriquecedora da convivencia nunha sociedade plural. Identificación dos elementos culturais propios que poidan estar en perigo nun mundo globalizado e posibles solucións
Identificación de situacións de violación de dereitos e sensibilización fronte ás necesidades de colectivos e grupos desfavorecidos. Planificación de iniciativas encamiñadas á construción duna sociedade máis xusta e solidaria.
Identificación dos principais conflitos no mundo actual e sensibilización ante as situación das persoas que sofren directamente as súas consecuencias. Información sobre o papel dos organismos internacionais e as forzas de pacificación na prevención e resolución dos conflitos. Identificación e valoración das acción individuais e colectivas a favor da paz.
Análise e valoración da influencia das novas formas de comunicación, información e mobilidade no establecemento de relacións globais entre as persoas de diferentes lugares do mundo e das consecuencias da globalización económica.
Sensibilización ante as desigualdades: riqueza e pobreza. Coñecemento de iniciativas encamiñadas á loita contra a pobreza e a axuda ao desenvolvemento.

Vistos estes contidos (extraídos do Decreto 133/2007, do 5 de xullo, polo que se regulan as ensinanzas da educación secundaria obrigatoria na Comunidade Autónoma de Galicia), non credes que poderiamos obxectar a calquera materia do currículo?

Razóns trigonométricas

2008-02-17T22:56:00.001+01:00

Outro vídeo para repasar:

Signos Matemáticos (por Bruno del Valle)

2008-01-23T19:14:00.000+01:00

Cando realizamos unha operación matemática, coma por exemplo 4x4=16, ¿quen nos indica que eses dous números teñen que ser multiplicados? igualmente ¿quen nos indica que o 16 e o seu resultado?. Son os signos que inconscientemente usamos a diario sen percatarnos de por que están ahí, pero todos eles teñen unha orixe. Haí van algúns:

= (igual): Este signo débese a Robert Recorde, que empezou a empregalo no 1557. Explicou a sua elección: “Poñereille, como fago a menudo no meu traballo,un par de paralelas ou liñas da mesma lonxitude, así: =========. Porque non ahí cousas que poidan ser mais iguais. Máis tarde acortaronse ata como as coñecemos hoxe.

√ (raíz): O mismísimo Euler conxeturou en 1775 que se trataba dunha forma estilizada do término latino radix, “radical”.

0 (cero) : Este signo, empregado por primeira vez na India, posiblemente proveña da influencia grega a través da palabra oudev, “nada”. Incluso pondera ser que o seu orixe fora Alexandría e que de alí pasara a India.

π (3,14159...): Proven da letra grega π (pi).

Ø : Aunque o pareza, non ten que ver nada coa letra grega phi. É a combinación de cero (0) e da barra “/”. Para representar conxuntos que non teñen elmentos. Conxunto vacío.

Alguén quere aportar algo máis?

"Pitagoranécdotas"

2008-01-16T19:36:00.000+01:00

Bruno del Valle (4º B) atopou estas curiosidades da biografía de Pitágoras que chamaron a súa atención:

Pitágoras nació en la isla de Samos en Grecia en el 582 a.C. Fue educado con los principales pensadores del momento como el filósofo Tales de Mileto, Anaxímenes o Anaximandro, posteriormente en el 530 a.c. y ya consagrado como un brillante matemático se instaló en una colonia Griega del sur de Italia llamada Crotona para poner en marcha una nueva escuela matemática, la escuela Pitagórica, en la que acogió a numerosos alumnos interesados por sus doctrinas, no obstante era una institución que en algunos momentos podía parecer sectaria, debido a la gran cantidad de obligaciones que inculcaba a sus discípulos, algunas tan extravagantes como la prohibición de comer habas, pues las relacionaba con formas de órganos vitales y por la conocida animadversión que le producían. Habían diversas escalas de conocimiento, y aquellos alumnos más aventajados eran los seleccionados para aprender matemáticas avanzadas, el símbolo que adoptó fue el de un triángulo formado por 10 puntos, ya que este número le parecía que en sí mismo representaba la perfección.

La escuela Pitagórica también destacó por el estudio de la filosofía y la astronomía, en el primer caso se sabe que adoptó una postura platónica en lo concerniente a la separación del alma y el cuerpo y de la transmigración de la misma, de hecho una de las numerosas historias con las que se le relacionan es que estando en un mercado vió como un hombre regañaba y pegaba a su perro, Pitágoras se interpuso entre el hombre y el can obligándolo a retroceder ya que según éste el perro contenía el alma de una amigo suyo muerto, incluso llegó a decir que él mismo recordaba sus anteriores reencarnaciones. No es de extrañar, que un hombre como él se hiciera envolver de una aura de misticismo que le acompañó siempre, llegó a encerrarse en el sótano de su casa durante un tiempo, para demostrar sus poderes como vidente, adivinando todo lo que había ocurrido durante su periodo de cautiverio, algunos señalaron que tal hazaña no era más que una mentira, una de muchas que se le atribuyeron, pues pensaban que ese encierro había tenido algunas fisuras y que le habían dado información del exterior.

A ver se a próxima vez se anima a traducir o artigo ao galego. ;-)

Música para animar o blog

2007-12-20T22:51:00.000+01:00

Especialmente dedicado "á de música" para que poña algo así no blog que está a preparar:
Pasade o punteiro do rato polas imaxes e, se lle dades ao play, soará o artista en cuestión

www.Jango.com

Decálogo para facer dun fillo/a un/ha delincuente

2007-11-25T23:42:00.000+01:00

1. Comece desde a infancia dando ao seu fillo todo o que pida. Así crecerá convencido de que o mundo enteiro perténcelle.

2. Non se preocupe pola súa educación ética ou espiritual. Espere a que alcance a maioría de idade para que poida decidir libremente.

3. Cando diga palabrotas, debe rir. Isto animarao a facer cousas máis graciosas.

4. Non lle regañe nin lle diga que está mal algo do que fai. Podería crearlle complexos de culpabilidade.

5. Recolla todo o que el deixa tirado: libros, zapatos, roupa, xoguetes. Así se afará a cargar a responsabilidade sobre os demais.

6. Déixelle ler todo o que caia nas súas mans. Coide de que os seus pratos, cubertos e vasos estean esterilizados, pero non de que a súa mente se encha de lixo

7. Rifa a miúdo co seu cónxuxe en presenza do neno, así a el non lle doerá demasiado o día en que a familia, quizá pola súa propia conduta, quede esnaquizada para sempre.

8. Déalle todo o diñeiro que queira gastar. Non vaia sospeitar que para dispor do mesmo é necesario traballar.

9. Satisfaga todos os seus desexos, apetitos, comodidades e praceres. O sacrificio e a austeridade poderían producirlle frustracións.

10. Póñase da súa parte en calquera conflito que teña cos seus profesores e veciños. Pense que todos eles teñen prexuízos contra o seu fillo e que de verdade queren amolalo.

Polo Xuíz de menores de Granada, Emilio Calatayud

25 de Novembro: Día Internacional contra a Violencia de Xénero

2007-11-22T22:51:00.000+01:00

Cada ano morren, só en España, case unha centena de mulleres a máns dos seus maridos, mozos, ex-parellas, etc.

Cando se parará esa voráxine machista de considerar á muller como una posesión. (¿La maté porque era mía?). Se non hai igualdade non hai liberdade.

Como facer unha raíz cadrada

2007-10-21T12:54:00.000+02:00

Nesta páxina podedes ver moitos vídeos de matemáticas dende Secundaria ata a Universidade. En próximas entradas poñereivos outros vídeos. Grazas a Juan Medina Molina, Doctor en Ciencias Matemáticas pola Universitat de València.

Os grilos e o Álxebra

2007-10-16T19:06:00.000+02:00

Pode parecernos que o Álxebra é unha estraña materia, sen conexión co mundo real. Agora ben, o Álxebra aparece nos contextos máis afastados das Matemáticas. Así, por exemplo, ten relación cos grilos e o seu peculiar xeito de «cantar».

Álxebra e grilos? Que relación pode existir entre eles? Segundo distintas investigacións, crese que o número de veces que un grilo emite o seu característico son por minuto depende da temperatura do aire. A relación que une ambas as magnitudes determinouse de forma experimental, e vén dada pola expresión algebraica 7t - 30, onde t é a temperatura en graos centígrados.

Para achar o número de veces que un grilo lanza o seu son nun minuto, a 35 °C, basta con calcular o valor numérico da expresión algebraica anterior para t = 35. O resultado é de 7 · 35 - 30 = 215 veces por minuto.

Artigo sacado da Kalipedia e traducido co OpenTrad da Universidade de Vigo

Responsabilidade

2007-10-07T12:22:00.000+02:00

Todos os fins de semana prodúcense novas como a acontecida a madrugada do pasado 30 de setembro. Sería conveniente que a reflexión sobre estas traxedias conlevara a que esas novas deixasen de ser habituais.

As cifras dos fins de semana con mortos menores de 25 anos son estremecedoras.

Non sei se é cuestión de buscar culpables ou (i)responsables, pero ao mellor se descubríramos os factores que levan a adolescentes (mozas e mozos de, en algúns casos, 14 e 15 anos) a beber alcohol e subirse nun coche en busca de emocións fortes coa axuda da velocidade; poderiamos atallar estas situacións.

Invítovos á reflexión e a que nos comentarios contedes o que pasa no voso entorno e, se é posible, propoñades alternativas ou solucións para evitar que compañeiros vosos ou vós mesmos sexades protagonistas nos xornais por este tema.

Sen máis comentarios

2007-09-20T22:48:00.000+02:00

Tres meses de cárcere para uns pais por consentir a ausencia do colexio dos seus tres fillos.

A Educación é un dereito e un deber

Fractales na natureza

2007-08-29T20:37:00.000+02:00

Remata o curso

2007-06-22T10:40:00.000+02:00

Xa pasaron nove meses dende que empezaba o curso mediado o mes de setembro pasado. Quen o diría! Como pasa o tempo! Espero que o embarazo (por iso dos 9 meses) fose levadeiro e, aínda que sempre hai momentos malos, queden bos recordos.

Este ano deixan o centro 15 alumnos e alumnas de 4º de ESO que rematarán os seus estudos nos institutos, e algúns deles na universidade, facendo boa (xa veredes) a formación que recibiron no Monte Caxado. Dende estas liñas quero, en nome de todo o profesorado, desexarlles moita sorte. Esperamos, tamén, que nos recorden como mestres e profesores que, cando menos, tentaron darlles a mellor formación e ser o máis xustos posible.

Nos estaremos aquí (ou en outros centros) para o que necesiten, xa que, aínda que uns alumnos marchan, chegan outros para Infantil que dentro duns pocos anos (ou moitos pero que pasan voando) estarán saíndo pola porta cara ao Bacharelato ou á Formación Profesional.

Tamén algún profesorado nos deixa este ano. Profesorado provisional que, como todos os anos, non sabemos se o próximo curso estará con nós ou non. Ogallá que si, se eles queren, claro (moita sorte). E algún profesorado definitivo que atopou destino máis preto da súa casa, aínda que eles saben que o Monte Caxado seguirá a ser a súa casa tamén. Quero dar unha ciber-aperta a todos eles, especial a María (Ed. Infantil) e moi especial a Juan (Educación Física). Grazas por todo.

Os vosos consellos son importantes

2007-06-18T18:57:00.000+02:00

Según podemos ler en EL PAÍS, os expertos piden á Unión Europea un cambio radical na ensinanza das ciencias e as matemáticas. Darlle un enfoque moito máis práctico para que se invirta a tendencia ao desinterese polas materias científicas.
O informe dun grupo de expertos aposta por unha maior investigación e experimentación. Según un Eurobarómetro do 2005 só o 15% dos europeos está satisfeito coa ensinanza das ciencias. O problema, según o estudio, é que a maioría dos profesores optan por métodos centrados máis na memorización que na comprensión.
A miña experiencia, sen embargo, dime que moito alumnado preferiría máis memorización e menos comprensión. Non me canso de repetir sempre que vos fagades a pregunta clave: POR QUE?. Non debedes aprender a facer algo rutinario, senón que debedes aprender como e porque se fai así. Seguro que hai alumnas e alumnos que poden contar a súa experiencia e dar BOS consellos aos profesores e tamén aos compañeiros.
Animádevos a comentar como podemos mellorar (profesorado e alumnado) o noso xeito de traballo.

BOB DYLAN, premio Príncipe de Asturias

2007-06-13T17:49:00.000+02:00

O xurado do Premio Príncipe de Asturias de las Artes 2007, que hoxe concedeu o galardón ao cantautor Bob Dylan, recoñece no músico estadounidense o seu carácter de «mito vivo» da historia da música popular e «faro dunha xeneración que tivo o soño de cambiar o mundo».

Recórdovos que tedes para resolver unha pregunta. Podedes pensar nela escoitando este The Hurricane como homenaxe a Bob Dylan.

Ah, e non debemos espertar dese "soño de cambiar o mundo".

Pregunta da semana: A que hora?

2007-06-11T22:47:00.000+02:00

Xan sae de casa, en coche, para recoller a súa esposa Ana á saída do traballo. Todos os días chega puntual as 19h. Hoxe Ana saíu un pouco antes e vai andando seguindo o camiño contrario ao que recorre o seu marido. Ao cabo de 20 minutos atópanse, Ana sube ao coche e regresan xuntos a casa, chegando 6 minutos antes do habitual. Se non consideramos o tempo de parada e supoñemos que as velocidades do coche e de Ana son constantes, ¿a que hora saíu Ana do traballo?. EXPLÍCAO
(Extraído de DivulgaMAT)

Somos comida

2007-06-10T22:53:00.000+02:00

Somos comida é como titula esta semana unha reportaxe EL PAÍS SEMANAL.
Póñovos algúns datos:
En España consumimos o ano pasado un total de 9.174.420.000 kilos de alimentos, polos que pagamos 81.916.000.000 euros.
Unha de cada 7 persoas no mundo pasa fame. A fame crónica afecta a 852.000.000 persoas, sendo África o continente máis castigado.
O 42% dos habitantes da África subsahariana non ten acceso a auga potable. Os máis pobres do planeta dependen das plantas para cubrir un 90% da súa alimentación.
O trigo é o alimento básico do 35% da poboación mundial.
Asia produce o 90% do arroz do mundo
A maior parte dos españois consume froita no momento do postre. Durante o desaiuno, momento idóneo, só o 38% o fai.
O 52,7% dos españois presenta cadros de sobrepeso ou obesidade. Na poboación infantil o 27,6%.
As calorías que consumimos superan nun 19% as cantidades recomendadas pola OMS

Mateproblemáticas da lingua

2007-06-05T19:23:00.000+02:00

Vídeo no que rapaces e rapazas falan e "hablan" do uso da lingua galega

O documental enteiro (emitido pola TVG) podes velo aquí
Ti qe opinas?

Un millón de cifras decimais de PI

2007-06-04T22:58:00.000+02:00

Na seguinte páxina podedes ver as primeiras cifras decimais do número PI. Nada máis e nada menos que un millón (eu non as contei).
Curioso o nome do dominio desta páxina:
3.141592653589793238462643383279502884197169399375105820974944592.com
Ao mellor os propietarios dese dominio son os mesmos que os deste coche:
Fixádevos que leva as primeiras, creo que 28, cifras decimais de PI. (E na matrícula MMMMPI)
Un pouco friki, non?

Fotos xeométricas (por Alba Moirón)

2007-06-02T16:34:00.001+02:00

Imaxes da catedral de Santiago de Compostela. Sen xeometría non hai arte.

Grazas a Alba por aportar estas preciosas fotos.

Aprendizaxe doada

2007-05-31T22:27:00.000+02:00

Despois de 2 semanas:

Só recordamos un 10% do que lemos
Só recordamos o 20% do que oímos
Só recordamos o 30% do que vemos

Recordamos o 50% do que oímos e vemos

Recordamos o 70% do que dicimos

Recordamos o 90% do que dicimos e facemos

Creo que a conclusión está clara: Se participades activamente a aprendizaxe será moito máis plena e doada.

Sección áurea

2007-05-26T18:34:00.000+02:00

Estou a probar iso do podcast.

Acabo de gravar un arquivo de son cunha pequena poesía pertencente ao libro El pueblo de la noche de Manuel Rivas (Punto de lectura, Madrid 2004).
Como música de fondo soa A irmandade das estrelas de Carlos Núñez.

Para a próxima seguro que me sae mellor. Perdoade a mala calidade e non me critiquedes moito nos vosos comentarios.

Funcións logarítmicas (4º ESO)

2007-05-24T16:56:00.000+02:00

Na seguinte imaxe tedes as gráficas das funcións y=2^x (en verde) e y=log₂x (en vermello). Comproba que son funcións recíprocas (ou inversas) entón as súas gráficas son simétricas respecto da recta bisectriz do primeiro cuadrante (recta y=x)

A continuación, nesta segunda imaxe, podedes observar as gráficas do logaritmo en base 3 (verde) e do logaritmo en base 1/3 (vermello). Como as bases do logaritmo son inversas, os logaritmos son opostos, polo tanto as gráficas son simétricas entre si respecto do eixe de abscisas.

Pirámide azteca (por Sara López)

2007-05-22T19:45:00.001+02:00

Esta pirámide de aspecto azteca (ou maya) está na catedral de Santiago de Compostela. Grazas Sara por enviarma.

12 de maio: Día escolar das matemáticas

2007-05-10T23:22:00.000+02:00

Dende o ano 2000 celébrase o día 12 de maio (aniversario de nacemento do profesor Pedro Puig Adam) o día escolar das matemáticas.

Este ano está adicado a "Matemáticas e Paz".

Reparade nestas cifras:

Cada ano máis de 500.000 persoas morren polo disparo dun arma convencional: unha persoa por minuto.
O número de persoas civís mortas na 1ª Guerra Mundial representaba unha porcentaxe entre tódalas vítimas do 14%. Esta porcentaxe subiu na 2ª Guerra Mundial ao 67%. Nalgúns conflictos de hoxe a cifra aínda é maior.
Actualmente uns 300.000 nenos soldados participan en conflictos armados.
Un tercio dos países do mundo invirten máis recursos nas forzas armadas que en servicios de saúde.
Cada ano os países de África, Asia, Oriente Medio e América Latina invirten un promedio de 22.000 millóns de dólares en armas. A metade desta suma permitiría que todos os nenos e nenas destas rexións recibiran educación primaria.
O 42% dos países que teñen o presuposto de defensa máis alto están entre os últimos en materia de desenrolo humano. Por exemplo, Eritrea invirte máis do 20% do seu produto nacional bruto en presuposto militar. E Pakistán gasta a metade do PIB entre defensa e débedas relacionadas coas armas.
En África as perdas económicas causadas polas guerras suman uns 15.000 millóns de dólares anuais.
Os cinco membros permanentes do Consello de Seguridade da ONU (Francia, Rusia, China, Reino Unido e EE UU) son responsables do 88% das exportacións mundiais de armas convencionais, e estas exportacións contribúen regularmente á comisión de abusos graves contra os dereitos humanos.
Durante os 4 últimos anos, EEUU, Reino Unido e Francia recibiron máis cartos das súas exportacións de armas a África, Asia, Oriente Medio e América Latina do que invertiron de axudas a estas rexións.

9 de maio: día de Europa

2007-05-08T19:56:00.000+02:00

"Unida na diversidade" é a divisa da Unión Europea

Algunhas biografías (V)

2007-05-07T23:14:00.000+02:00

Paolo RUFFINI (Valentano, cerca de Viterbo, 1765-Módena 1822) (Alba Moirón)

Matemático, médico e filósofo italiano. Os seus traballos máis importantes tratan sobre a teoría das ecuacións: en 1799 demostrou, polo estudio das sustitucións, a imposibilidade de formar unha resolvente de Lagrange de grao inferior a 5, e, en 1813, intentou establecer o teorema de Abel. Nos seus estudos sobre as probabilidades (1821) é contrario á concepción determinista de Laplace. Estivo durante moito tempo á marxe da universidade por razóns políticas. En 1814, foi nomeado rector da universidade de Módena, onde ensinou matemáticas aplicadas e mediciña, e onde estudiou o tifus durante a epidemia de 1817-1818.

Ruffini(regra de), regra práctica para o cálculo do cociente dun polinomio da grao n, polo binomio x-a: 1º., o cociente é un polinomio de grao n-1. 2º., o coeficiente do primeiro término do cociente é o mesmo que o do primeiro término do dividendo. 3º, os coeficientes dos restantes término do cociente áchanse multiplicando o coeficiente do término anterior por a e sumándolle ao resultado o coeficiente do término de igual número de orden do dividendo. O último dos números achados de tal forma, é dicir, o obtenido sumando o producto do término independente do cociente por a co término independente do dividendo, é o resto da división.

Bibliografía: Gran Enciclopedia Larousse

GAUSS (Sara López)

Matemático, físico e astrónomo alemán. De familia humilde, extraordinariamente dotado para as matemáticas, estudou na Universidade de Göttingen e doutorouse na de Helmstedt no ano 1799. Foi director do observatorio da Universidade de Göttingen, da que tamén foi profesor de astronomía. Considerado o matemático máis importante de todos os tempos, débenselles achegas transcendentais na teoría dos números e na álxebra: sistematización do uso de i= raíz de -1, demostración rigorosa do teorema fundamental da álxebra, como a teoría de determinantes,etc. Deu novidades importantes nos campos da xeodesia e da cartografía, e pódese considerar o creador da xeometría intrínseca. Espuxo o método para determniar órbitas planetarias partindo de tres observacións do astro. Estableceu un sistema absoluto de unidades eléctricas, que se basea no CGS. Como físico, en colaboración con Weber, fixo investigacións sobre o magnetismo, colaborou no deseño dun telégrafo eléctrico, inventoy o helióptero e o magnetómetro.

BIBLIOGRAFIA: "Enciclopedia Galega Universal"

Algunhas biografías (IV)

2007-05-03T12:33:00.000+02:00

EUCLIDES (Lucia Freire)

Foi un matemático grego que viviu durante o século III a. C. Ensinaba matemáticas en Alexandría, onde fundou a escola máis célebre da antigüidade. É coñecido polos seus “Elementos”, que seguen sendo considerados o libro de xeometría por excelencia. Son un conxunto de 13 libros, nos que vai desenrolando diversos teoremas. Os 4 primeiros tratan da xeometría do plano e estudian só as figuras poligonales e circulares. Os 2 seguintes tratan a semellanza e as proporcións. A última parte trata da xeometría do espazo. Os libros considerados mellores son os que tratan a teoría dos números enteiros. Ten outros libros, os “Cálculos”, un complemento dos anteriores. Euclides formulou moitas das proposicións fundamentais, a máis importante, a que explica a propagación dos raios luminosos en liña recta.
Postulado de Euclides: Por un punto do plano só se pode trazar unha recta paralela a outra recta dada.

Bibliografía: Nova Enciclopedia Larousse. Editorial Planeta

GALILEO GALILEI (Pisa 1564-, Toscana 1642) (Iria Rey)

Astrónomo, matemático e físico italiano. Estudou medicina na Universidade de Pisa, pero en 1589 abandonou os estudos médicos e aceptou unha praza de profesor de matemáticas a mesma universidade.As súas ideas (como a de que todos os corpos, sexa cal sexa o seu peso, caen á mesma velocidade) contrarias á física aristotélica, e os seus experimentos sobre mecánica ocasionáronlle problemas cos seus compatriotas.Refuxiouse en Venecia, e entre 1592 e 1610 deu clases de matemáticas na Universidade de Padua.
Descubriu cun telescopio os cráteres da Lúa, que a Vía Láctea é un conxunto de estrelas, os catro maiores satélites de Xúpiter e tamén observou as manchas solares. Expuxo estes descubrimentos en Sidereus Nuntius (1610), entre outras. Todo isto isto convenceu a Galileo das teorías de Copérnico.De tódolos xeitos, a defensa do heliocentrismo ocasionoulle problemas coa Inquisición.
O 31 de outubro de 1992 o Papa Xoán Paulo II recoñeceu publicamente que a condena imposta polo tribunal eclesiástico que xulgou a Galileo foi inxusta.

Pregunta da semana: AS PASAS E A MEMORIA

2007-05-02T00:00:00.000+02:00

A miña nai di que comendo rabiños de pasas aumenta a memoria. Eu digo que resolvendo problemas aumentaremos a nosa capacidade de razoamento, por tanto podemos ser un pouco máis lóxicos, reflexivos e, en consecuencia, un pouquiño máis intelixentes.

Comín un total de 100 pasas de uva nun período de 5 días. Despois do primeiro día, cada día comín seis pasas máis que o día anterior. Cantas pasas de uva comín o primeiro día? Cantas os demais días?

Extraído da revista Números

Algunhas biografías (III)

2007-05-01T16:17:00.000+02:00

PITÁGORAS (¿Samos, 580? A.C. – Metaponte, Magna Grecia, ¿497? A.C.) (Sheila L. Sanjurjo)

Sábese moi pouco da súa vida con exactitude. Posiblemente naceu en Samos, emigrando máis adiante cara Crotona, cidade de Italia, onde fundou a escola político-relixiosa e filosófica do mesmo nome (¿530?). Era unha comunidade rexida por normas ascéticas, centrada no estudio das matemáticas e activa na política da cidade. Serviu de modelo a moitas outras. Atribúeselle a Pitágoras a doutrina da inmortalidade e da transmisión das almas e a consideración da matemática como chave da resolución de enigmas do universo e como instrumento de purificación da alma. A lenda presentouno coma un ser sobrehumano, sabio e profeta. A tradición atribúelle a creación do teorema sobre o cadrado da hipotenusa e a tabla de multiplicar. Pitágoras non deixou ningunha obra escrita.

Leonardo Fibonacci (Yolanda Castro)

Matemático italiano.Coñecido tamén como Leonardo de Pisa, puxo fin á numeración romana e deu pleno desenvolvemento á utilización dos números árabes e hidús na súa obra Liber Abbaci(1202). Estudou a sucesión de Fibonacci. Aplicou a álxebra ós problemas de trigonometría na súa obra De practica geometrica (1220) e realizou traballos sobre as ecuacións cuadráticas, recollidos en Liber quadratorum (1225).

Sucesión de Fibonacci

Sucesión de números enteiros positivos (un)> 0, dada pola lai de recorrencia a_n =a_n-1 + a_n-2 ,onde n > 2. As diferentes sucesións resultan dunha elección concreta dos dous primeiros termos a₀, a₁. Denomínase normalmente sucesión de Fibonacci a aquela que fai a₀ = a₁ = 1 que ten por primeiros termos 1, 1, 2, 3, 5, 8, 13, 21, 34, 55..., chamados números de Fibonacci. Esta sucesión é un modelo matemático representativo de moitas situacións distintas e fenómenos do mundo real,e está relacionada con outros conceptos como o numero áureo.

Bibliografía: Enciclopedia Galega Universal. Ed. Ir Indo

Chiste matemático (Por Sara López Valiña)

2007-04-26T23:15:00.000+02:00

Xa hai tempo que Sara enviou algún chiste, hoxe publico este e queda outro para outro día. Animádemos a enviar chistes relacionados coa asignatura. Tamén recibín hai meses un correo de Iria Teijido propoñendo como tema a publicación de poemas, cómic, ou calquera outra obra relacionada coas matemáticas. (Grazas, ás dúas, pola vosa colaboración e perdoade a miña tardanza en actualizar contidos)

Enxeñeiros e científicos nunca gañarán tanto diñeiro como os executivos de negocios. Agora temos a proba matemática que explica por que isto é certo.
Postulado 1: Coñecemento é Potencia (Poder).
Postulado 2: Tempo é Diñeiro.
Como todos sabemos,

Traballo
-------- = Potencia
Tempo

Como

Potencia = Coñecemento, e Tempo = Diñeiro, temos:

Traballo
-------- = Coñecemento
Diñeiro

Despexando Diñeiro, obtemos:

Traballo
---------------= Diñeiro
Coñecemento

Desta forma vemos que, cando o coñecemento se achega a cero, o Diñeiro achégase a infinito, sen que importe moito o traballo feito.
Conclusión: Canto menos saibas, máis diñerio gañarás.

(chiste extraído desta páxina)

Algunhas biografías (II)

2007-04-26T16:54:00.000+02:00

Eratóstenes (por Rosalía López)

Astrónomo, xeógrafo, matemático e filósofo grego.
Naceu en Cirene (África do Norte) c. no 275 a. de Cristo e morreu no 194 a. de Cristo en Alexandría. Viviu durante moito tempo en Atenas, e logo foi chamado a Alexandría (c. 245 a. C.) por Tolomeo III, quen lle confiou a educación dos seus fillos e logo a dirección da biblioteca de Alexandría. As súas aportacións no campo das Ciencias foron moi importantes na Astronomía, Xeografía e, sobre todo, nas Matemáticas, pola súa famosa criba – que conserva o seu nome – para atopar os números primos; e polo mesolabio, instrumento de cálculo para resolver o problema da media proporcional. Foi o primeiro en medir dun xeito exacto a lonxitude da circunferencia da Terra, para o que determinou a amplitude do arco do meridiano entre Siena (no sur de Exipto, preto da actual Assuan) e Alexandría: sabendo que no solsticio de verán o sol en Siena achábase na vertical do lugar, xa que os raios penetraban nos pozos máis fondos, mideu coa axuda da sombra proxectada por un gnomon, o ángulo formado, en Alexandría polos raios solares coa vertical. O resultado foi de 7,2º = 7º 12´. Dado que Alexandría e Siena atópanse a 800 km de distancia aproximadamente no mesmo meridiano, deduxo que a 7,2º da circunferencia terrestre correspondían 800 km; logo a 1º, 800: 7,2 e a 360º corresponden 360 X 800 : 7,2 = 40.000 km. Dito doutro xeito, en razón da propagación rectilínea dos raios solares e do paralelismo existente entre eles, o ángulo, desta forma medido, correspondía ao ángulo formado no centro da Terra polo radio terrestre de Siena e de Alexandría, obtendo así a amplitude do arco inteceptado por ámbalas dúas cidades sobre o meridiano. Logo midiu sobre o terreo a dimensión deste arco. Obtivo para a circunferencia enteira, é dicir, para o meridiano, douscentos cincoenta e dous mil estadios, isto é, case corenta millóns de metros. Logo repitiu este cálculo, baseándose na distancia de Siena a Méroe, que coidou que estaba tamén no mesmo meridiano, e obtivo un resultado concordante. Eratóstenes era amigo de Arquímedes co que se comunicaba por carta contándolle os seus descubrimentos.

BIBLIOGRAFÍA:
Enciclopedia Larousse, tomo 4. Enciclopedia Galega Universal Ir Indo, tomo 8. Matemáticas 3º de Bacherelato, Edicións S.M. 1964

DESCARTES (1.596-1.650) (por Paula Carballo)

Filósofo e científico francés, considerado o pai da filosofía moderna.

Graduouse en Dereito pola Universidade de Poitiers, e máis tarde alistouse nos exércitos de Mauricio de Nassau e do duqu8e de Baviera.

A obra de Descartes ten un comezo radical coa dúbida metódica.

Descartes influíu no desenvolvemento do racionalismo clásico e, en xeral, no descubrimento cartesiano da subxectividade e na orixe de toda a metafísica moderna.

Como científico universal achegou á matemática a creación da xeométrica analítica, counstruíu a primeira teoría mecánica xeral do Universo, formulou con nitidez o Principio de inercia e descubriu a Lei da refracción da luz.

Estendeu tamén o mecanismo ó campo da biología e da fisiología humana, e privou a alma de calquera fundamento vital.

Bibliografía: Enciclopedia Galega Universal (tomo 7)
Ed. Ir Indo

Apaga a TV

2007-04-24T18:51:00.000+02:00

Ecologistas en acción súmase á semana internacional sen televisión

Xa perdemos case dous días, pero nunca é tarde se...

Observa este vídeo (parece contraditorio promover un NON á TV cun vídeo, pero fai o seu labor) de Adbusters
e reflexiona.

Algunhas biografías

2007-04-24T16:28:00.000+02:00

O día do libro consultamos e resumimos as biografías dalgúns matemáticos ilustres que iremos publicando estes días. Podes completar ou rectificar estas informacións nos comentarios

EULER, Leonhard (1707-1783) (Por Alba Fraga)

Matemático, físico, enxeñeiro e filósofo.

Discípulo de J. Bernoulli na Universidade de Basilea, foi profesor de física e matemáticas na Academia de Ciencias de Rusia en San Petesburgo, traballou tamén na Academia Prusiana de Ciencias de Berlín.

Fixo numerosos descubrimentos no campo do cálculo, da xeometría, ou da álxebra, incluso despois de quedar cego.

Débenselle moitos teoremas e fórmulas como o de Euler-Lagrange, o teorema sobre os poliedros, a fórmula de Euler ou a introducción das anotacións f(x) para as funcións, o número "pi", o número e como a base de logaritmos, o i para representar a unidade imaxinaria.

Bibliografía: "Enciclopedia Galega Universal" (Ed. Ir Indo).

Isaac Newton (1642-1727) (Diego Castro Viña)

Físico, matemático e astrónomo británico. Fillo dun terrateniente, estudou en Grantham; aos 18 anos foi enviado a Trinity college, de Cambridge. Pero en 1665, Cambridge pechou e ingresou en Woolsthorpe, ata 1667.

Nesta época foi cando realizou os descubrimentos polos que se fixo famoso: o cálculo infinitesimal, a natureza da luz blanca e a teoría da gravitación universal.

En 1669 sucedeu ao seu profesor de matemáticas e completou a explicación do arco da vella de Descartes. No 75 comunicou a súa explicación das cores dos corpos.

En canto a astronomía, fabricou o seu propio telescopio de espello e escribiu Principios matemáticos de filosofía natural. Nesta obra expón as leis de choque, estuda os movementos dos fluídos, calcula a precisión dos equinoccios, a teoría das mareas, etc.

Newton tamén foi un autor de descubrimentos matemáticos. Publicou Aritmética universal, e un Tratado sobre a cadratura das curvas, no que expuxo as regras de cálculo de fluxiones. Logo tivo polémica con outro matemático, Leibniz; isto explica as vacilacións antes das súas publicacións.
Morreu do mal da pedra, e foi inhumado en Westnunster.

BIBLIOGRAFÍA: Nueva Enciclopedia Larousse (Ed. Planeta).

Pregunta da semana: Número bíblico

2007-02-12T15:16:00.000+01:00

No Evanxelio pode lerse que os discípulos, que non pescaran nada en toda a noite, ían abandonar a tarefa, cando seguindo o consello de Xesús, probaron de novo a botar as redes. Cando Simón Pedro levantou a rede estaba chea de 153 grandes peixes, pero a pesares do peso non rompeu.

O número 153 considerouse na antigüedade un número máxico. Que propiedade(s) curiosa(s) ten ese número? (Expícaas con detalle)

Un irracional moi famoso

2007-02-07T17:08:00.000+01:00

Escribo a continuación unha aproximación do número pi cunhas cantas cifras decimais e así podedes comprobar que non é periódico, polo tanto non é racional.

3,14159...
26535 89793 23846 26433 83279 50288 41971 69399 37510 58209 74944 59230
78164 06286 20899 86280 34825 34211 70679 82148 08651 32823 06647 09384
46095 50582 23172 53594 08128 48111 74502 84102 70193 85211 05559 64462
29489 54930 38196 44288 10975 66593 34461 28475 64823 37867 83165 27120
19091 45648 56692 34603 48610 45432 66482 13393 60726 02491 41273 72458
70066 06315 58817 48815 20920 96282 92540 91715 36436 78925 90360 01133
05305 48820 46652 13841 46951 94151 16094 33057 27036 57595 91953 09218
61173 81932 61179 31051 18548 07446 23799 62749 56735 18857 52724 89122
79381 83011 94912 98336 73362 44065 66430 86021 39494 63952 24737 19070
21798 60943 70277 05392 17176 29317 67523 84674 81846 76694 05132 00056
81271 45263 56082 77857 71342 75778 96091 73637 17872 14684 40901 22495
34301 46549 58537 10507 92279 68925 89235 42019 95611 21290 21960 86403
44181 59813 62977 47713 09960 51870 72113 49999 99837 29780 49951 05973
17328 16096 31859 50244 59455 34690 83026 42522 30825 33446 85035 26193
11881 71010 00313 78387 52886 58753 32083 81420 61717 76691 47303 59825
34904 28755 46873 11595 62863 88235 37875 93751 95778 18577 80532 17122
68066 13001 92787 66111 95909 21642 01989 38095 25720 10654 85863 27886
59361 53381 82796 82303 01952 03530 18529 68995 77362 25994 13891 24972...

Pregunta da semana: Calendario casi perpetuo

2007-02-05T00:28:00.000+01:00

O ex-alumno, do que xa vos teño falado, Santiago Castro Castrillón, mandoume esta curiosidade que lle podemos chamar "calendario casi perpetuo" (grazas Santiago).
Ademais Santiago contestou á anterior pregunta da semana xa hai uns días e estiven esperando a publicar as súas respostas para ver se algún(ha) de vos respostaba tamén para poder puntuarvos.

Seguindo estes pasos podes calcular o día da semana dunha data calquera dos anos de catro cifras que empecen por 19 (como 1986) ou 20 (como 2004).

1. Divide as dúas últimas cifras do ano entre 4, descartando o resto.
2. Suma ao resultado o día do mes.
3. Suma a clave do mes: XFM AMX XAS OND = 144 025 036 146
4. Resta 1 para os meses de Xaneiro e Febreiro nos anos bisiestos [*]
5. Resta 1 se a data empeza por 20.
6. Engade o número formado polos dous últimos díxitos do ano.
7. Divide entre 7 e toma o resto. O resto indica o día da semana, sendo: 0 sábado, 1 domingo, 2 luns, 3 martes, 4 mércoles, 5 xoves, 6 venres

Truco: para non traballar con números tan grandes podes restar 7 ou múltiplos de 7 en calquer momento do proceso e quedarte só coa diferenza.

Notas:
[*] No calendario gregoriano son bisiestos tódolos anos múltiplos de 4.
Os anos seculares (os que acaban en 00), só son bisiestos cando son múltiplos de 400. Por exemplo, 1900 non foi bisiesto, a pesares de ser múltiplo de 4, xa que é un ano secular non múltiplo de 400, en cambio se o foi 2000. Para saber cando un número é múltiplo de 4 basta fixarse nas súas dúas últimas cifras, se son múltiplo de 4 (dúas veces divisibles por 2), tamén o é o número.

Exemplo
Vamos a calcular qué día da semana foi o 29 de decembro de 1989.
1. 89/4=22, descartamos o resto
2. 22+29=51
3. A clave de decembro é 6, así que 51+6=57.
4. Non hai que facer nada.
5. Non hai que facer nada.
6. 89+57=146
7. 146/7=20 +6 de resto
A data pedida foi venres

DEBES, SEGUINDO E DETALLANDO OS CÁLCULOS ANTERIORES, DICIR QUE DÍA DA SEMANA CAEU O 22 DE FEBREIRO DE 1966.

Xeito rápido de multiplicar:

2007-01-31T15:59:00.000+01:00

Mirade o vídeo e comprobade un xeito rápido de multiplicar. É o mesmo que facedes con números pero con raias.

Que vos parece?

O meu agradecemento a Sara López por falarme deste vídeo.

Día escolar da Paz e a non violencia

2007-01-30T16:14:00.000+01:00

Celebrase o día 30 de Xaneiro en homenaxe a Gandhi que foi asesinado a tiros un día como este do ano 1948. Mohandas Karanchad coñecido como Mahatma Gandhi naceu en Porbandar (India) o 2 de outubro de 1869. Aos 13 anos casou con Kasturbai, da mesma idade, que exerceu nel moita influencia. Aos 19 anos púxose a estudiar en Londres e tras graduarse en dereito instalouse en África do Sur; alí loitou contra a discriminación de que eran obxecto os indios. No 1919, ao volver a India, emprendeu unha cruzada contra a soberanía británica por medio da non cooperación e o boicot ao comercio inglés. Ao finalizar a segunda guerra mundial, o goberno británico aceptou conceder a independencia a India coa condición de que os grupos rivais, o congreso nacional Indio e a liga musulmana, resolveran as súas diferenzas. Propúxose a creación dun estado para os musulmáns, aínda que Gandhi non estaba de acordo na división da India, aceptou coa esperanza de lograr a paz e a independencia. A independencia obtívose en 1947 coa creación de Pakistán. Durante o resto da súa vida Gandhi dedicouse a tratar de lograr a paz entre os hindús e musulmáns. Durante os disturbios que sufriu a cidade de Calcuta, Gandhi realizou xaxún ata que a violencia cesou. No 1948 foi asasinado por un fanático. Mahatma, a grande alma, o pai da independencia hindú, filósofo, político e místico, foi e segue sendo reverenciado por millóns de hindús e pola humanidade enteira.

Este é un pequeno traballo realizado por Tania, Vanesa e Daniel sobre o porqué da conmemoración do 30 de xaneiro como "Día escolar da Paz".

Comentarios dos autores:

Daniel: “Soábame Gandhi pero non tiña nin idea da súa vida. Loitou moito e pacificamente para conseguir que non houbera conflictos, aínda que debería conseguirse moito máis”. Tania: “Non me soaba de nada non tiña nin idea da súa vida. Eu creo que se sacrificou moito para conseguir a paz e a non violencia”. Vanesa: “A min tampouco me soaba de nada, pareceume moi interesante a súa vida. Como el quedan poucos...”.

Pregunta da semana: O número descoñecido

2007-01-29T23:59:00.000+01:00

Que número debemos colocar no vértice do triángulo da dereita seguindo o criterio de colocación dos outros dous?

Algunhas suxestións

2007-01-11T00:11:00.000+01:00

Despois duns pequnos cambios e problemas nas últimas semanas, volvo a publicar unha entrada aproveitando o publicado no suplemento "La Voz de la Escuela" que edita "La Voz de Galicia", que onte mércores traía unha páxina adicada ás Matemáticas. Trancribo literalmente un dos apartados que da uns consellos para practicar na casa:

"Algunhas cousas que poden facer os pais para que aos seus fillos non se lles atragoen as matemáticas:

Falar co titor do seu grupo para coñecera súa situación en relación coa materia. En primaria non é o mesmo un PA (Progresa Adecuadamente) raspado que un PA folgado,aínda que a cualificación non permite facer matices. En secundaria, e no caso de que se detecten problemas, é recomendable pedir cita co profesor da materia.
Asegurarse de que cada día faga os deberes de matemáticas dedicándolle o tempo e a concentración necesarios.
Eloxiarlle polos esforzos que realice coa materia, non pola súa capacidade innata. Frases tales como «es tan intelixente» poden producir o efecto contrario ao que se pretende: facerlle crer que o éxito é unha cuestión de capacidade intelectual. É preferible transmitirlle a idea de que, canto máis traballador e perseverante sexa, máis resultados obterá sexa cal for a súa capacidade.
Cando a pesar de todo aparezan dificultadescoas matemáticas, animarlle a seguir adiante. E nunca caer no erro de dicirlle: «Nonte preocupes, fillo, eu tamén fun sempre parvo para as matemáticas. Vese que non nos entra na cabeza». É preferible transmitirlle que vai ter que esforzarse máis ou, en caso necesario,recorrer a un profesor particular.
Deixar que entren as matemáticas na casa. Algúns exemplos:

Pedirlles axuda para facer a lista da compra: que calculen cantos quilos de froita se necesitan, cantos litros de leite ou cantos gramos de friame para esa semana.
Pedirlles que calculen o gasto do que leva no carriño da compra antes de pasar por caixa.
Durante as viaxes en coche, calcular o tempo que se vai a tardar en chegar ao destino ou discorrer xogos cos números das matrículas dos coches.
Co mapa de estradas diante, calcular a cantos quilómetros se atopa o seguinte pobo, gasolineira ou lugar de destino".

Se queres ler o suplemento na totalidade preme aquí

Animádevos a participar no blog para que sexa máis dinámico. Mandade chistes matemáticos para facer unha sección deles (Sara xa mandou uns bos exemplos) ou propoñede calquera outra sección que vos interese: biografías , noticias, curiosidades, etc. relacionadas coas mates.

Pregunta da semana: Sudoku

2006-11-20T23:18:00.000+01:00

Resolve o seguinte sudoku

No teu comentario pon as 9 filas (horizontais) cos números ordeados

Agradecemento

2006-11-17T18:35:00.000+01:00

Quero agradecer a colaboración dun exalumno meu no IES Moncho Valcarce que está a enviarme de cando en vez algún correo con enlaces interesantes e incluso ideas e colaboracións.

Por exemplo enviou este chiste matemático (aproveito con el para que me enviedes máis chistes matemáticos e poder facer un artigo todo de chistes):

Dille Xesús aos seus discípulos:
- En verdade vos digo: y = x²
Os discípulos comentan entre si polo baixo, e por fin di Pedro:
- Maestro, non entendemos.
- É unha parábola

Chámase Santiago Castro Castrillón e agora está a estudiar Enxeñería Informática. Podes visitar o seu blog

Cifras "moi pesadas"

2006-11-17T18:15:00.000+01:00

Un 22,9% dos galegos con máis de 18 anos padece obesidade, o que supón que entre 500.000 y 600.00 persoas teñen esta enfermidade en Galicia.

Ademais seis de cada dez (60%) teñen sobrepeso. "Cifras inquietantes" en opinión do endocrinólogo Fernando Cordido (do Juan Canalejo da Coruña).
Cordido engadíu que nos últimos 15 anos triplicouse a tasa de obesos entre os nenos e nenas ata chegar ata o 14% da poboación infantil.

Tamén se incrementou a frecuencia en outro grupo de idade que antes non padecía esta doenza, como é o dos anciáns, pois preto dun 42% das persoas maiores de 60 anos é obesa.

Cordido observou que a prevención «es tarea de todos», tal e como sinala o lema do "Día Nacional de la Persona Obesa", e aclarou que «no hay que culpar» de esta enfermidade a quen a sufre, pero sí «responsabilizarle» da súa milloría.

Cabe destacar que en España ao longo dun ano prodúcense unhas 3000 mortes prematuras a causa da obesidade.

Para facerlle frente, os médicos aconsellaron diminuír o consumo de calorías, en especial dos alimentos con alto contenido en graxas, e aumentar o exercicio físico, pois unha mala dieta e o sedentarismo son as principais causas desta enfermidade.

Hai que ter en conta os numerosos problemas de saúde que acarrea unha mala alimentación en un elevado sobrepeso.
Que facedes vos para cuidar a vosa saúde?

Pregunta da semana: Movendo as bases

2006-11-06T17:06:00.000+01:00

Sabes que adoitamos escribir os números en base 10. Por exemplo o número 7432 en base 10, o que realmente quere dicir é 7·10³+4·10²+3·10¹+2·10⁰ .

Un número coas cifras ABCDE_(b (ese subíndice indica que está escrito en base b) é o número en base 10:

A·b⁴+B·b³+C·b²+D·b¹+E·b⁰

En que base está escrito o número 65_(b se é igual ao número 53 en base 10?

Como se escribe o número 2405₍₇ en base 8?

Pregunta da semana: As fillas de Caxado

2006-10-30T16:20:00.000+01:00

Diálogo de ...

Evaristo: - Cantos anos teñen as túas tres fillas?
Caxado: - Direiche o producto das súas idades que é 36.
Evaristo: - E, cal é a súa suma?.
Caxado: - O número do portal da casa de enfrente.
Evaristo: - Fáltame un dato.
Caxado: - A maior toca o piano.
Evaristo: - Entón xa sei as súas idades.

E ti, sabes dicir as idades das tres fillas de Caxado.?

Pregunta da semana: Carreira con mentirosos

2006-10-22T23:41:00.000+02:00

Antonio: "Eu non cheguei último"
Bernardo: "Carlos chegou terceiro"
Carlos: "Antonio chegou inmediatamente detrás de Ernesto"
Daniel: "Ernesto chegou en segundo lugar"
Ernesto: "Daniel non ganou a carreira"

Por algunha razón os dous primeiros clasificados mentiron e os outros non. Cal foi a orde de chegada dos cinco corredores?. Explica con detalle o teu razoamento.

Pregunta da semana: Resolve o Kakuro

2006-10-15T10:33:00.000+02:00

Preséntovos un xogo-puzzle, por suposto xaponés, chamado Kakuro.

Trátase de encher as casillas (so as de cor máis claro) con cifras do 1 ao 9 de xeito que nunha mesma serie consecutiva en vertical ou en horizontal non se repitan e tendo e conta que o resultado da suma das cifras da columna está por debaixo da diagonal do recadro superior desas columnas e a suma das cifras da fila está por encima da diagonal do recadro da esquerda desa fila.

Podes ver un exemplo solucionado na imaxe seguinte

Cando o solucionedes escribide os números por filas (son 5 filas).

Recomendo imprimir a imaxe e moito ánimo

Podes atopar máis kakuros e xogar en www.kakurolive.com

Cifras destes días para a reflexión

2006-10-13T17:49:00.000+02:00

Propoño que reflexionedes con estas poucas cifras (escalofriantes) das moitas que aparecen tódolos días nos xornais. Ademais tamén vos invito a apuntar algunhas que vos preocupen e a pensar o xeito de evitar que se repitan.

Tráfico:

No que vai de ano 77 xoves (10 deles menores de idade) morreron nas estradas galegas.
O velocímetro do coche no que viaxaba un rapaz de 17 anos morto en Caldas marcaba 205 qm/h.
O conductor deste coche ten 18 anos e o carné recén estreado. O seu estado é grave.

Violencia de xénero:

No que vai de ano 60 mulleres morreron a mans das súa parella ou ex-parella.

Conflictos internacionais:

Desde a invasión liderada por EEUU de Irak, xa morreron uns 25000 civís de forma violenta.
Se no reconto de vítimas incluímos todas as producidas de xeito violento, a cifra ascende a 600000.
Un tercio dos mortos en Líbano son menores según Unicef.

Debemos axudar a rebaixar estas cifras no futuro. Como?

Empezamos curso 2006-2007

2006-10-09T18:51:00.000+02:00

Ola de novo
Co comezo de curso 2006-2007, empezan tamén novos comentarios "mateproblemáticos" do Caxado.
Anímovos a participar.
Este curso de vez en cando poñeremos unha reseña biográfica dalgúns matemáticos célebres (algúns deles non moi coñecidos). Empezamos con:

Vitruvio (Roma s. I a.d.C.)

Inxeñeiro e mecánico convertiuse nun arquitecto militar do emperador Julio César.

Durante o reinado de Augusto (están dedicados a este emperador) escribiu os dez libros de "De Architectura" nos cales trata de construccións, templos, estilos e tamén hidráulica, xeometría, astronomía e máquinas militares. As tres categorías que se denominan: firmitas (solidez estructural), utilitas (funcionalidade) e venustas (beleza) terán unha gran influenza sobre a cultura arquitectónica italiana do Renacemento. O tratado, de feito, foi empregado como soporte teórico das enunciacións de novos tipos de arquitectura, dos cánones, baseados na simetría e a proporcionalidade da parte co todo así como, máis diretamente, como manual técnico-práctico.

A primeira edición de imprenta apareceu en Florencia en 1485. Foi publicado en Roma en 1486 e a continuación fixéronse numerosas edicións, incluso traducíndose a varios idiomas europeos. E curioso que na súa época tivera escasa importancia.

O famoso debuxo que tedes arriba foi realizado por un coñecido artista do Renacemento italiano. O título é precisamente O Home de Vitruvio e foi realizado seguindo as proporcións indicadas na obra de Vitruvio. Supoño que non é necesario mencionar o nome do "debuxante"...

Ilusións (por Pablo Hurtado Grima)

2006-06-19T13:47:00.000+02:00

Os dous rectángulos negros son exactamente iguais. Cal parece maior?

Parece que se retorce
Móvense?
Hai puntos grises nas interseccións?
Un cubo ou chan con dúas paredes?
Móvense

Imaxes aportadas por Pablo Hurtado Grima

As novas tecnoloxías e os/as acosadores/as

2006-06-17T18:56:00.000+02:00

Uns estudantes de Galiza agrediron a un compañeiro dándolle unha malleira mentres outro os gravaba co móbil. Despois ese vídeo pasaba de uns a outros para diversión de-mentes enfermas?.
Por suposto o centro, que se enterou dos feitos seis meses despois, tomou as oportunas medidas disciplinarias e os agresores e o "cámara" foron expulsados.
Ao parecer hai ata catro vídeos con vexacións (ler máis en La Voz de Galicia)

Noutro centro dedicáronse a colgar da rede fotos de compañeiros acompañadas de frases inxuriosas, insultos e alcumes denigrantes.
Trala denuncia dun pai a Policía xa tomou cartas no asunto.

O último boletín de Vixilancia Tecnolóxica da policía nacional analiza o acoso escolar, que define como «un maltrato continuo e deliberado que un neno recibe por parte doutro co fin de apocalo, asustalo ou maltratalo».

Cres que hai algún tipo de acoso ou maltrato no Monte Caxado?
Coñeces maltrato ou acoso noutro Centro?

Matemáticas e sociedade

2006-06-15T23:55:00.000+02:00

Según un informe presentado pola Consellería de Educación, titulado A Calidade Educativa dos Centros Docentes e que foi elaborado polo Instituto de Ciencias da Educación (ICE), o alumnado dun contexto sociocultural medio-baixo presenta unha cualificación en Matemáticas superior á media de España.

Outra das características asociada ao alumnado galego é a súa maior sensibilidade cara ao medio ambiente en relación ao resto de España, que se acentúa a medida que pasan os cursos. En cuarto de secundaria, de feito, os mozos destacan por unha maior formación en educación ambiental e en segundo, pola súa actitude de tolerancia.

(Seguir lendo en La Voz de Galicia)

Que opinas ti?

Números AMIGOS

2006-06-15T00:09:00.000+02:00

Dous números son amigos cando cada un é igual á suma dos divisores do outro.
O menor par de números amigos é o formado por 220 e 284:
Suma dos divisores de 220:
1 + 2 + 4 + 5 + 10 + 20 + 11 + 44 + 55 + 110 = 284
Suma dos divisores de 284:
1 + 2 + 4 + 71 + 142 = 220
Euler publicou en 1750 unha lista de sesenta pares e curiosamente olvidou o segundo par en orden crecente: 1184 y 1210 que foi descuberto por Paganini en 1866 aos 16 años de idade.
Outros números amigos son (6232 e 6368), (2620 e 2924), (18416 e 17296), (9437056 e 9363284) ....

Coincidencias no 11-S? (Por Diego Castro Viña)

2006-06-13T21:03:00.000+02:00

O número 11 nos últimos anos pasou a ser un número inquietante. Pódese dicir que o 11 de setembro de 2001 produciu as seguintes simples casualidades. Outros, en cambio, pensan que foron casualidades forzadas:

Nova York é o Estado nº 11 da Unión Americana.
O 1º dos voos que se estrelaron coas torres Xemelgas era o número 11.
Este levaba 92 persoas: 9+2=11
O voo nº 77 levaba a 65 pasaxeiros: 6+5=11
A traxedia tivo lugar o día 11/9: 9+1+1=11
O número de urxencias de EE.UU. é o 911: 9+1+1=11
Este día foi o 254 do ano: 2+5+4=11
Para rematar o ano faltaban 111 días.
As víctimas totais nos 3 avións (contando o do Pentágono) foron 254: 2+5+4=11
O famoso Nostradamus (11 letras) profetiza a destrucción de Nova York na centuria número 11 dos seus versos.
O máis tenebroso é o número que forman as 2 torres...

Seguides pensando en que foi casualidade?
Pois escribide no Microsoft Word:Q33 NY (é o código dun dos voos que se siniestrou). Selecciona o código e pono en letra Wingdings tamaño 30 aproximadamente.
¿Qué vos parece agora?

Aportado por Diego Castro Viña

Pregunta da semana: 7 cifras

2006-06-12T23:30:00.000+02:00

Problema extraído dos "Retos matemáticos" de DIVULGAMAT (sección do Profesor Santiago Fernández Fernández).

En que número estou a pensar se o elevo ó cadrado, o resultado vólvoo elevar ó cadrado e a este último resultado o multiplico polo número de partida e obteño un número de 7 cifras e rematado en 7 ?

Unhas cifras sobre maltrato a menores (por Sara López Valiña)

2006-06-11T16:58:00.000+02:00

Segundo un estudio realizado polo teléfono do menor da Fundación ANAR, 17 de cada 10.000 menores son maltratados en España. Este estudio revela que a víctima é sobre todo nena, nos casos de violencia física e psicolóxica e abusos sexuais, e o agresor, o pai.

O estudio baseouse en 14.114 chamadas sobre maltrato infantil recibidas nos últimos doce anos e mostra cómo, por Comunidades Autónomas, o maior número de chamadas Atendidas, proceden de Madrid, Asturias, Castilla e León e Ceuta e Melilla.

A pesar de que ó teléfono chaman máis nenos que adultos, estes son os que máis denuncian os casos de violencia, algo que, segundo explicou a directora do teléfono é debido á dificultade do menor para identificar unha situación como maltrato e o seu medo a romper o silencio e os seus descoñecementos sobre onde pedir axuda.

Se se analizan as consultas sobre maltrato, o físico e o abuso sexual son os dous principias casos rexistrados.

A víctima do maltrato físico e psíquico piden axudas soe ser unha rapaza (64.3% das chamadas), máis ca un rapaz (35.7%),inda que no caso do abandono as cifras iguálanse.
Sen embargo, no caso dos abusos sexuais a proporción das rapazas triplícase a dos rapaces abusados.

O estudio revela que os adolescentes de entre 14 e 17 anos representan o 41% das chamadas de maltrato, pero o abandono é maior entre os nenos de entre 0 e 5 anos.

Sobre o perfil do agresor, existen diferentes segundo o tipo de maltrato: nas agresións físicas o pai aparece en maior proporción (35.5%), e a nai (26%); os pais en conxunto (20%), e a parella da nai (5.6%). No maltrato psicolóxico mantense porcentaxes semellantes, pero no abandono, o principal agresor é a nai (39.7%), seguidos de ambos pais (26.7%) e o pai (7.6%).

Tanto os menores como os adultos que narran situacións de maltrato a nenos contan que no seu entorno rexístrase consumo de alcohol, violencia de xénero, consumo de drogas e problemas psicolóxicos como depresión e intentos de suicidio.

Texto elaborado por Sara López Valiña

Máis cifras: Desenvolvemento urbanístico sen control

2006-06-06T23:58:00.000+02:00

Unha das principais lacras contra o Medio Ambiente é o desenvolvemento urbanístico sen control. No pasado Día Mundial do Medio Ambiente unha das principais protestas foron contra este irracional interese de construcción principalmente no litoral.

Segundo os ecoloxistas, entre 1990 e 2000 o chan urbanizable en España aumentou 170.384 hectáreas, o que supón o 25% do territorio e neste mesmo período perdéronse 239.248 hectáreas de chan forestal. En 2005, batéronse todos os récords de construción chegando ás 800.000 vivendas, de modo que a construción pasou a converterse en un dos principais negocios e o motor económico do país.
Denuncian tamén a degradación do litoral mediterráneo, que "é un exemplo que se estende a todo o Estado", polo cal "as costas se resenten, a edificabilidade dos 1.700 quilómetros de franxa marítima en Galicia aumentará un 75% cos novos proxectos urbanísticos, que programan 600.000 pisos.

Pregunta da semana: Unha pregunta trascendente

2006-06-06T01:00:00.000+02:00

Sen dúbida coñeces tres importantes números irracionais con nome propio:

π (3,14159...) que establece a razón entre a lonxitude da circunferencia e o seu diámetro
e (2,71828...) que é o límite da sucesión (1 + 1/n)ⁿ
Φ (1,61803...) que é o número de ouro, era coñecido e estaba moi presente xa na Grecia clásica nas obras de arte. Aparece tamén en moitas manifestacións da natureza.

Entre os dous primeiros e o terceiro hai, matemáticamente falando, unha gran diferenza. Descubre cal é; e explícao ben no teu comentario.

Máis cifras estremecedoras

2006-05-31T18:19:00.000+02:00

O consumo de alcohol está moi extendido entre os xoves e conta co consentemento dos pais na metade dos casos. Esta é a principal conclusión á que chegamos no "Libro Blanco sobre la relación entre adolescencia y alcohol en España", presentado pola Fundación Alcohol y Sociedad, fundada pola Federación Española de Bebidas Espirituosas (FEBE).

Asegura que o 61% dos adolescentes entre 12 e 18 anos consume bebidas alcohólicas. A idade media de inicio de consumo é de 14 anos e a vía máis frecuente é o botellón.

Un 45% dos xoves consumidores asegurou que os seus pais lle permiten beber e outro 40% afirma que bebe aínda que o ten prohibido. Un 5% dos adolescentes recoñece emborracharse regularmente (máis de 30 veces ao ano).

A facilidade para conseguila bebida é asombrosa: O 43,4% asegura que o consegue en calquera establecemento e outro 29% en supermercados.

Queres contarnos o teu caso de xeito anónimo?

Pregunta da semana. Os botes, as abellas e as Matemáticas

2006-05-29T01:00:00.000+02:00

1ª pregunta: Por que a maioría das potas, dos vasos, dos botes de conservas, etc. son "redondos" (ou, mellor dito, cilíndricos)?

Se algunha vez observaches un panal daríaste conta de que as abellas son unhas excelentes constructoras de hexágonos.
2ª pregunta: Por que as abellas fan eses mosaicos precisamente con esa figura xeométrica?

Buscade ben as respostas. Debe ser detallada e ben explicada

Irracionais pero moi Reais: O número de ouro (Divina proporción)

2006-05-25T11:23:00.000+02:00

O número de ouro, Φ (fi), é irracional (ten infinitas cifras decimais que non se repiten con periodicidade). O seu valor é Φ = 1,61803... e compite con π (pi) en popularidade e aplicacións. O seu descubremento data da época da Grecia clásica (s. V a. C.) aínda que o seu nome (Φ) non o recibe ata o século XX.

O valor exacto de Φ é (1+√5)/2, solución da ecuación x²- x -1 = 0

Que mide?
Se queremos dividir un segmento en dous anacos de distintos tamaños, só existe un xeito de facelo tal que a razón que garda o segmento completo e a parte maior sexa igual á razón entre a parte maior e a menor. Esa razón é xustamente 1,618...= Φ.

Un rectángulo aureo é aquel no que a relación entre o seu longo e largo é o número de ouro. De tódolos rectángulos posibles este é o máis agradable á percepción.

Φ aparece en numerosas obras de arte, nas tarxetas de crédito, nas dimensións estandar das fotos, na natureza (crecemento das caracolas, das piñas, distribución das ramas e as follas dun tallo, no corpo humano...)

Incluso a Rafael Alberti chegou a inspirarlle un poema:

A ti, maravillosa disciplina,
media, extrema razón de hermosura
que claramente acata la clausura
viva en la malla de tu ley divina.
A ti, cárcel feliz de la retina,
áurea sección, celeste cuadratura,
misteriosa fontana de mesura
que el universo armónico origina.
A ti, mar de los sueños angulares,
flor de las cinco formas regulares,
dodecaedro azul, arco sonoro.
Luces por alas un compás ardiente.
Tu canto es una esfera transparente.
A ti, divina proporción de oro.

Pregunta da semana: 2 = 1 ???!!!

2006-05-22T20:30:00.000+02:00

Partamos da suposición de que a = b

Se multiplicamos por a en ambolosdous membros da igualdade queda:

a² = ab

Restamos b²nos dous membros da igualdade:

a² - b² = ab - b²

Como a diferenza de cadrados é igual á suma pola diferenza (1º membro) e sacando factor común (2º membro) queda:

(a+b)(a-b) = b(a-b)

Simplificando (dividindo os dous membros por (a-b)):

(a+b) = b

Como supuxemos inicialmente que a = b, queda que:

2b = b

Polo tanto: 2 = 1

2 = 1 ????. !!!! Onde está o erro deste razoamento?

A xeometría en fotos

2006-05-16T19:37:00.000+02:00

Pregunta da semana

2006-05-16T18:55:00.000+02:00

Cando vexades esta imaxe de enriba, significa que hai plantexada unha pregunta (case sempre moi sinxela) dirixida ao alumnado do CPI Monte Caxado; e que aquel alumno/a que resposte correctamente e de primeiro/a un número considerable delas, puntuaralle na nota do curso en relación ao número de preguntas respostadas e á dificultade das mesmas.

Pregunta: Por que non hai Premio Nobel de Matemáticas? Que outros premios para matemáticos e matemáticas son considerados como os Nobels das matemáticas?

Outras cifras alarmantes

2006-05-16T18:42:00.000+02:00

Entre 160.000 y 170.000 adolescentes de 14 a 18 anos consumiron cocaína nos últimos 12 meses, informou a ministra de Sanidade, Elena Salgado. A porcentaxe multiplicouse por catro nos últimos dez anos (de 1994 ao 2004) e pasou do 1,8% ao 7,2% dos adolescentes. A titular de Educación considerou que este progresivo e vertixinoso aumento do consumo de drogas é "alarmante". (Diario "El País")

Para reflexionar: Algunhas CIFRAS destes días

2006-05-02T23:45:00.000+02:00

Informe UNICEF: A fame mata máis de 5.500.000 de nenos ao ano no mundo. Outros 146 millóns están en perigo porque o seu peso é inferior ao aconsellábel.
A Unión Mundial para a Conservación da Natureza denuncia que medrou a 16.119 o número de especies animais e plantas en perigo de extinción. No informe anterior (2004) atoparon só 15.589 neste perigo. O aumento é dun 3,4%. Sinalan ao Mediterraneo como un dos 34 focos críticos de biodiversidade do planeta. Nesta rexión apuntan ás presións urbanisticas, ao turismo masivo e á agricultura intensiva como o principal empuxe hacia a extinción dun crecente número de especies autóctonas.
58 mortos en accidentes de tráfico nesta ponte. Despois dos 108 mortos nas carreteras durante a Semana Santa, a sangría continúa. De estas últimas víctimas, a metade, según a DXT, non levaban o cinto de seguridade.
As víctimas mortais en accidentes de tráfico en vías interurbanas en Galicia aumentaron un 22,7% nos catro primeiros meses do ano, ao pasar de 75 falecidos en 2005 a 92 no mesmo período de 2006.

Esperamos os vosos comentarios ben para tentar mellorar estas cifras ou ben con outras cifras que vos queirades sinalar.

Suxestións para o traballo

2006-04-26T15:48:00.000+02:00

Cantas veces teño escoitado aquilo de "as Matemáticas non se estudan". Non sei que entende a xente que fai esta afirmación por estudar. Evidentemente as Matemáticas si que se estudan; e dun xeito moi parecido a como se deberían estudar tódalas materias.

Figuran a continuación unhas poucas suxestións para axudar a un mellor traballo das Matemáticas e de tódalas materias.

O primeiro é traballalas desde o primeiro día e un pouco cada día. A lo menos debemos volver a mirar e reafirmar o dado en clase para non esquecer o xa entendido e poder así comprender o do día seguinte. Se rachamos esta cadea é evidente que non entenderemos contidos posteriores e iremos acumulando un déficit comprensivo dificilmente recuperable.

Aínda entendendo os pasos realizados polo profesor ou por un compañeiro para a resolución dun exercicio ou problema, non seremos quen de facelo nos se non o intentamos antes. Non se trata de repetir os problemas xa feitos ata que os aprendamos de memoria, se non que debemos comprender os pasos dados en cada momento; non é cuestión tanto de memorizar se non de pensar e comprender no que imos escribindo e por que o escribimos. Debemos mirar, ler e comprender os noso apuntes ou libro antes de poñernos diretamente a resolver exercicios ou problemas.

Cómpre ter un horario semanal fixo: é moi recomendable confeccionar un horario realista (facilmente realizable) que fixe as horas que imos a adicar a cada tarefa día a día. Neste horario fixaremos as actividades fixas e encheremos o tempo libre para o estudo e tamén o lecer (que é importante).

Cando nos poñemos a estudar debemos fixarnos metas e aproveitar o tempo (é habitual levantarse para beber sen sede, para comer sen fame, para mirar que poñen na TV, ...). "Un bo estudante debe ter un bo traseiro no que sentarse"

O sitio de estudo será o máis illado e cómodo posible para a tarefa que nos ocupa: Un sitio onde podamos estar concentrados, con espazo amplo para ter o libro e/ou libreta aberta e onde, ademais, poder escribir en folios "a sucio" esquemas, gráficos, exercicios, etc. Tamén debemos anotar as dúbidas e, se non somos capaces de superalas por nos mesmos, preguntalas e resolvelas canto antes.

Se aproveitamos a explicación nas clases o traballo será moito máis doado. Cando o profesor explica a materia debemos estar concentrados na súa explicación para ir comprendendo paso a paso. Se nalgún momento non entendemos debemos preguntar (é evidente que se non estamos centrados na explicación e estamos falando ou pensando noutra cousa non imos a entender nada, pero tampouco temos dereito moral a preguntar e interromper). Despois disto se ao chegar á casa facemos o exposto anteriormente o curso será coser e cantar.

Unha cousa que nunca debemos facer é non tentar superar as dificultades. Todo obstáculo debe ser superado ou, polo menos, hai que loitar para elo. Non se debe caer nunha debilidade de carácter: é habitual que calquera dificultade pareza algo insalvable. NON É ASÍ. Con esforzo todo é superable.

Pensemos en todo momento que estamos a traballar para nos mesmos e que todo o que fagamos aportará algo á nosa formación e ao noso futuro. Se pensamos que o que facemos non nos servirá de nada, ademais de enganarnos a nos mesmos, fará que a dedicación non sexa coa concentración e interese axeitados para un bo aproveitamento.

Espero os vosos comentarios e que todo isto serva para mellorar.

Ola

2006-04-19T11:56:00.000+02:00

“As matemáticas son o alfabeto co que Deus escribiu o Universo” (G. Galilei).

Este blog nace coa humilde pretensión de achegar as matemáticas ao alumnado de secundaria do CPI Monte Caxado. E, non só achegalas, se non que tamén practicalas e buscarlle relación coa nosa vida cotiá. Ao longo das nosas vidas, xornada tras xornada, cantas veces facemos uso das matemáticas sen apenas decatarnos?. Poderiamos vivir sen uns coñecementos básicos desta disciplina?. Seguramente a resposta no 100% dos casos é NON. Polo tanto non adoptemos posturas negativas cara a esta materia e, pola contra, profesorado, pais, nais e alumnado fagamos derrubar as moitas lendas negras desta asignatura, como por exemplo:

“Eu non valgo para elas”
“As matemáticas non se estudan; hai que nacer”

Esperemos que con estes comentarios (a ver se este é o primeiro dunha serie periódica e continua) todos vexamos outras formas de achegarnos á asignatura, outras relacións entre as cousas que nos rodean e as MATEMÁTICAS. É o propio alumnado o que elabora os contidos do blog e pretendemos nomear sempre as fontes de onde sae a información, pero se ti atopas algún erro ou omisión, pregamos que no lo fagas chegar.Gracias a todos e todas e esperamos que vos guste.